En Nexoted tamén queremos dar difusión a proxectos que están a traballar en facer máis fácil a vida das persoas e axudar a construír un mundo máis accesible para todos. Unha delas é Accessibilitas, unha plataforma dixital creada, por iniciativa da Fundación ONCE e o Real Padroado sobre Discapacidade, para mellorar o deseño universal de espazos, bens e servizos.
Accessibilitas concentra diferente información de interese en asuntos tan importantes como accesibilidade física, tecnolóxica e á comunicación, xa sexa a través de normativa técnica e legal, guías e manuais, noticias, difusión de xornadas e cursos, material multimedia e moitas cousas máis. En xeral, exemplos de accesibilidade ben entendida e aplicada e maneira correcta, que sirvan de exemplo para as persoas que dan os seus primeiros pasos nesta cuestión.
Os contidos da plataforma están especialmente enfocados a persoas cuxas prácticas profesionais poidan influír en mellorar a accesibilidade de espazos. Con todo, Accessibilitas está dirixida a calquera persoa e institución interesada nesta materia e, coa colaboración de todos, pretende crear unha sociedade máis solidaria. O portal serve de ferramenta de apoio para esas persoas que queiran achegar o seu granito de area ao deseño universal.